நீங்கள் தேடியது "ஷாகிப் அல் ஹசன்"

வங்காளதேசம் - வெஸ்ட் இண்டீஸ் அணிகளுக்கு இடையிலான 2-வது டி20 டாக்காவில் நடைபெற்றது. முதலில் பேட்டிங் செய்த வங்காள தேசம் 4 விக்கெட் இழப்பிற்கு 211 ரன்கள் குவித்தது.

பின்னர் 212 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களம் இறங்கியது. லெவிஸ் - ஷாய் ஹோப் ஆகியோர் தொடக்க வீரர்களாக களம் இறங்கினார்கள். லெவிஸ் 1 ரன்னில் ஆட்டமிழந்தார். அடுத்து வந்த பூரன் 14 ரன்னிலும், ஹெட்மையர் 19 ரன்னிலும் வெளியேறினார்கள்.

அதிரடி காட்டிய ஷாய் ஹோப் 19 பந்தில் 6 பவுண்டரியுடன் 36 ரன்கள் சேர்த்து ஆட்டமிழந்தார். இவர் ஆட்டமிழந்ததும் வெஸ்ட் இண்டீஸ் அணிக்கு நெருக்கடி ஏற்பட்டது. ஆர் பொவேல் 34 பந்தில் 50 ரன்கள் எடுத்து ஆட்டமிழந்ததார். மற்ற வீரர்கள் சொற்ப ரன்களில் ஆட்டமிழக்க வெஸ்ட் இண்டீஸ் 19.2 ஓவரில் 175 ரன்கள் எடுத்து ஆல்அவுட் ஆனது. இதனால் வங்காள தேசம் 36 ரன்கள் வித்தியாசத்தில் வெற்றி பெற்றது. ஷாகிப் அல் ஹசன் 5 விக்கெட்டுக்கள் வீழ்த்தினார்.

இதனால் தொடர் 1-1 சமநிலையில் உள்ளது. 3-வது டி20 கிரிக்கெட் போட்டி 22-ந்தேதி நடக்கிறது. இதில் வெற்றிபெறும் அணி தொடரை கைப்பற்றும்.

வங்காளதேசம் - வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட டி20 கிரிக்கெட் தொடர் நடைபெற்று வருகிறது. சியால்ஹெட்டில் நடைபெற்ற முதல் ஆட்டத்தில் வெஸ்ட் இண்டீஸ் வங்காளதேசத்தை துவம்சம் செய்தது. முதலில் பேட்டிங் செய்த வங்காளதேசம் 19 ஓவரில் 129 ரன்கள் சேர்த்து ஆல்அவுட் ஆனது.

பின்னர் 130 ரன்கள் எடுத்தால் வெற்றி என்ற இலக்குடன் களம் இறங்கிய வெஸ்ட் இண்டீஸ் 10.5 ஓவரிலேயே இலக்கை எட்டி 8 விக்கெட் வித்தியாசத்தில் வெற்றி பெற்றது.

இன்று டாக்காவில் 2-வது போட்டி நடைபெற்று வருகிறது. டாஸ் வென்ற வெஸ்ட் இண்டீஸ் பீல்டிங் தேர்வு செய்தது. முதல் போட்டியில் 130 ரன்னை 10.5 ஓவரிலேயே சேஸிங் செய்ததால், மிகப்பெரிய டார்கெட் நிர்ணயிக்க வங்காளதேச தொடக்க வீரர்களான தமிம் இக்பால், லித்தோன் தாஸ் ஆகியோர் தொடக்கம் முதலே அதிரடியாக விளையாடினார்கள்.

குறிப்பாக லித்தோன் தாஸ் ருத்ரதாண்டவம் ஆடினார்கள். தமிம் இக்பால் 16 பந்தில் 15 ரன்கள் சேர்த்து ஆட்டமிழந்தார். அடுத்து லித்தோன் தாஸ் உடன் சவுமியா சர்கார் ஜோடி சேர்ந்தார். சவுமியா சர்கார் 22 பந்தில் 3 பவுண்டரி, ஒரு சிக்சருடன் 32 ரன்கள் குவித்து ஆட்டமிழந்தார்.

லித்தோன் தாஸ் 26 பந்தில் அரைசதம் அடித்தார். தொடர்ந்து விளையாடிய அவர் 34 பந்தில் 6 பவுண்டரி, 4 சிக்சருடன் 60 ரன்கள் குவித்து ஆட்டமிழந்தார். முஷ்பிகுர் ரஹிம் 1 ரன்னில் ஏமாற்றம் அளித்தார். 5-வது விக்கெட்டுக்கு ஷாகிப் அல் ஹசன் உடன் மெஹ்முதுல்லா ஜோடி சேர்ந்தார். ஷெல்டன் காட்ரெல் வீசிய ஓவரில் மெஹ்முதுல்லா ஹாட்ரிக் பவுண்டரி விளாசினார்.

5.3 ஓவரில் 50 ரன்னைக் கடந்த வங்காள தேசம், 10.1 ஓவரில் 100 ரன்னைத் தொட்டது. ஷாகிப் அல் ஹசன் - மெஹ்முதுல்லா ஜோடி சிறப்பாக விளையாட 15.2 ஓவரில் 150 ரன்னைக் கடந்தது. இருவரும் கடைசி வரை நிலைத்து விளையாட வங்காளதேசம் 20 ஓவரில் 4 விக்கெட் இழப்பிற்கு 211 ரன்கள் குவித்தது. ஷாகிப் அல் ஹசன் 26 பந்தில் 42 ரன்களும், மெஹ்முதுல்லா 21 பந்தில் 43 ரன்களும் எடுத்து ஆட்டமிழக்காமல் இருந்தனர். கடைசி நான்கு ஓவரில் வங்காள தேசம் விக்கெட் இழப்பிற்கு 52 ரன்கள் குவித்தது குறிப்பிடத்தக்கது.

பின்னர் 212 ரன்கள் எடுத்தால் வெற்றி என்ற கடின இலக்குடன் வெஸ்ட் இண்டீஸ் விளையாடி வருகிறது.

வங்காள தேசம் - வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட டி20 கிரிக்கெட் தொடர் நடைபெற்று வருகிறது. கடந்த திங்கட்கிழமை நடைபெற்ற முதல் ஆட்டத்தில் வங்காள தேசத்தை 8 விக்கெட் வித்தியாசத்தில் வெஸ்ட் இண்டீஸ் வீழ்த்தியது.

வங்காள தேச அணி பேட்டிங் செய்தபோது 14-வது ஓவரில், நடுவர் ஒரு பந்திற்கு வைடு கொடுக்கவில்லை. இதனால் ஷாகிப் அல் ஹசன் நடுவரை நோக்கி கத்தினார். அத்துடன் அவரிடம் சென்று நீண்ட நேரம் பேசினார். இதுகுறித்து நடுவர் புகார் செய்தார்.

போட்டி முடிந்த பின்னர் ஷாகிப் அல் ஹசன் தனது தவறை ஒப்புக்கொண்டதால், 15 சதவிதம் அபராதத்துடன் தடைக்கான ஒரு புள்ளியும் வழங்கப்பட்டது. இந்த போட்டியில் ஷாகிப் அல் ஹசன் 43 பந்தில் 63 ரன்கள் சேர்த்தார். மற்ற வீரர்கள் சொதப்பியதால் வங்காள தேசம் 129 ரன்னில் ஆல்அவுட் ஆனது.

வங்காள தேசம் - வெஸ்ட் இண்டீஸ் அணிகளுக்கு இடையிலான முதல் டி20 கிரிக்கெட் போட்டி சியால்ஹெட்டில் இன்று நடைபெற்றது. டாஸ் வென்ற வாங்காள தேசம் பேட்டிங் தேர்வு செய்தது.

அதன்படி தமிம் இக்பால். லித்தோன் தாஸ் ஆகியோர் தொடக்க வீரர்களாக களம் இறங்கினார்கள். தமிம் இக்பால் 5 ரன்னிலும், லித்தோன் தாஸ் 6 ரன்னிலும், சவுமியா சர்கார் 5 ரன்னிலும் அடுத்தடுத்து வெளியேறினார்கள். ஆனால் கேப்டன் ஷாகிப் அல் ஹசன் சிறப்பாக விளையாடி 43 பந்தில் 8 பவுண்டரி, 2 சிக்சருடன் 61 ரன்கள் குவித்து ஆட்டமிழந்தார்.

அவருக்குப்பின்னால் வந்த வீரர்களும் சொற்ப ரன்களில் வெளியே வங்காள தேசம் 19 ஓவரில் 129 ரன்கள் சேர்த்து ஆல்அவுட் ஆனது. வெஸ்ட் இண்டீஸ் அணியின் காட்ரெல் சிறப்பாக பந்து வீசி 4 ஓவரில் 28 ரன்கள் விட்டுக்கொடுத்து நான்கு விக்கெட்டுக்கள் கைப்பற்றினார்.

பின்னர் 130 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களம் இறங்கியது. லெவிஸ், ஷாய் ஹோப் ஆகியோர் தொடக்க வீரர்களாக களம் இறங்கினார்கள். லெவிஸ் 11 பந்தில் 18 ரன்கள் எடுத்து ஆட்டமிழந்தார். ஷாய் ஹோப் அதிரடி ஆட்டத்தை  வெளிப்படுத்தினார். இவர் 23 பந்தில் 3 பவுண்டரி, 6 சிக்சருடன் 55 ரன்கள் குவித்து ஆட்டமிழந்தார்.


நான்கு விக்கெட்டுக்கள் வீழ்த்திய காட்ரெல்

அடுத்து பூரம், கீமோ பால் ஆகியோர் 3-வது விக்கெட்டுக்கு ஜோடி சேர்ந்தனர். பூரம் 17 பந்தில் 23 ரன்களும், கீமோ பால் 14 பந்தில் 3 சிக்ஸ், ஒரு பவுண்டரியுடன் 28 ரன்களும் சேர்க்க வெஸ்ட் இண்டீஸ் 10.5 ஓவரிலேயே 130 ரன்கள் எடுத்து வெற்றி பெற்றது.

55 பந்துகள் மீதமுள்ள நிலையில் 8 விக்கெட் வித்தியாசத்தில் வங்காள தேசத்தை துவம்சம் செய்த வெஸ்ட் இண்டீஸ் மூன்று போட்டிகள் கொண்ட தொடரில் 1-0 என முன்னிலைப் பெற்றது. 2-வது ஆட்டம் 20-ந்தேதி நடக்கிறது. வங்காள தேச அணியின் சுழற்பந்து வீச்சாளர் மெஹிது ஹசன் மிராஸ் 2 ஓவரில் 37 ரன்கள் விட்டுக்கொடுத்தார் என்பது குறிப்பிடத்தக்கது.

வங்காள தேசம் - வெஸ்ட் இண்டீஸ் இடையிலான 2-வது ஒருநாள் கிரிக்கெட் போட்டி டாக்காவில் நேற்று நடைபெற்றது. முதலில் பேட்டிங் செய்த வங்காள தேசம் தமிம் இக்பால் (50), முஷ்பிகுர் ரஹிம் (62), ஷாகிப் அல் ஹசன் (65) ஆகியோரின் ஆட்டத்தால் 50 ஓவரில் 7 விக்கெட் இழப்பிற்கு 255 ரன்கள் சேர்த்தது.

பின்னர் 256 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களம் இறங்கியது. தொடக்க வீரர் ஹேம்ராஜ் (3), அடுத்து வந்த டேரன் பிராவோ (27), சாமுவேல்ஸ் (26), ஷிம்ரோன் ஹெட்மையர் (14) குறைந்த ரன்களிலேயே ஆட்டமிழந்தாலும், தொடக்க வீரரும், விக்கெட் கீப்பருமான ஷாய் ஹோப் அபாரமாக விளையாடி ஆட்டமிழக்காமல் 144 பந்தில் 146 ரன்கள் விளாச, வெஸ்ட் இண்டீஸ் 49.4 ஓவரில் 6 விக்கெட் இழப்பிற்கு 256 ரன்கள் எடுத்து நான்கு விக்கெட் வித்தியாசத்தில் வெற்றி பெற்றது.



இந்த வெற்றியின் மூலம் மூன்று போட்டிகள் கொண்ட ஒருநாள் தொடர் 1-1 என சமநிலையில் உள்ளது. 3-வது மற்றும் கடைசி ஒருநாள் கிரிக்கெட் போட்டி நாளைமறுநாள் நடக்கிறது. இதில் வெற்றி பெறும் அணி தொடரை கைப்பற்றும்.

வங்காள தேசம் - வெஸ்ட் இண்டீஸ் அணிகளுக்கு இடையிலான 2-வது டெஸ்ட் கிரிக்கெட் போட்டி டாக்காவில் கடந்த 30-ந்தேதி தொடங்கியது. டாஸ் வென்ற வங்காள தேசம் பேட்டிங் தேர்வு செய்தது. ஷத்மான் இஸ்லாம் (76), ஷாகிப் அல் ஹசன் (80), லித்தோன் தாஸ் (50), மெஹ்முதுல்லா (136) ஆகியோரின் சிறப்பான ஆட்டத்தால் வங்காள தேசம் 154 ஓவரில் 508 ரன்கள் குவித்தது. வெஸ்ட் இண்டீஸ் அணி சார்பில் ரோச், வாரிகன், பிஷு, பிராத்வைட் ஆகியோர் தலா இரண்டு விக்கெட்டுக்கள் வீழ்த்தினார்கள்.

பின்னர் வெஸ்ட் இண்டீஸ் அணி முதல் இன்னிங்சை தொடங்கியது. மெஹிது ஹசன் மிராஸ் சுழற்பந்து வீச்சை தாக்குப்பிடிக்க முடியாமல் 111 ரன்னில் சுருண்டது. ஷாய் ஹோப் (10), ஹெட்மையர் (39), டவ்ரிச் (37) ஆகியோர் மட்டுமே இரட்டை இலக்க ரன்களை எட்டினர். மெஹிது மிராஸ் மிராஸ் 7 விக்கெட்டும், சாகிப் அல் ஹசன் 3 விக்கெட்டும் வீழ்த்தினார்கள்.

397 ரன்கள் பின்தங்கியதால் வெஸ்ட் இண்டீஸ் அணி பாலோ-ஆன் ஆகி 2-வது இன்னிங்சை தொடர்ந்து விளையாடியது. 2-வது இன்னிங்சிலும் வெஸ்ட் இண்டீஸ் வீரர்கள் அடுத்தடுத்து ஆட்டமிழந்தனர். ஹெட்மையர் மட்டும் தாக்குப்பிடித்து 92 பந்தில் 9 சிக்ஸ், 1 பவுண்டரியுடன் 93 ரன்கள் குவித்தார்.


ஹெட்மையர்

ரோச் 37 ரன்கள் எடுத்து ஆட்டமிழக்காமல் இருக்க 213 ரன்கள் எடுத்து ஆல்அவுட் ஆனது. இதனால் வங்காள தேசம் இன்னிங்ஸ் மற்றும் 184 ரன்கள் வித்தியாசத்தில் வெற்றி பெற்றது. முதல் இன்னிங்சில் 7 விக்கெட்டுக்கள் சாய்த்த மெஹிது ஹசன் மிராஸ் 2-வது இன்னிங்சில் 5 விக்கெட்டுக்கள் சாய்த்தார்.

இந்த வெற்றியின் மூலம் வெஸ்ட் இண்டீஸ்க்கு எதிரான தொடரை வங்காள தேசம் 2-0 என கைப்பற்றியது. இரு அணிகளுக்கு இடையிலான ஒருநாள் கிரிக்கெட் தொடர் வருகிற 9-ந்தேதி தொடங்குகிறது.

வங்காள தேச அணி வெஸ்ட் இண்டீஸில் சுற்றுப் பயணம் செய்து விளையாடியது. அப்போது படுதோல்வியை சந்தித்தது. தற்போது சொந்த மண்ணில் ஜிம்பாப்வே அணிக்கெதிராக மூன்று போட்டிகள் கொண்ட ஒருநாள் கிரிக்கெட் தொடரில் விளையாடி வருகிறது.

இந்த தொடர் முடிந்த பின்னர் இரண்டு போட்டிகள் கொண்ட டெஸ்ட் தொடர் நடைபெறுகிறது. இந்த தொடருக்கான வங்காள தேச அணி அறிவிக்கப்பட்டுள்ளது. வெஸ்ட் இண்டீஸ் தொடருக்கான அணியில் இருந்து ஐந்து மாற்றங்கள் செய்யப்பட்டுள்ளன.

ஷாகிப் அல் ஹசன் மற்றும் தமிம் இக்பால் ஆகியோர் காயத்தால் இடம்பெறவில்லை. புதுமுக வேகப்பந்து வீச்சாளர் கலித் அஹ்மது அணியில் இடம்பிடித்துள்ளார். இவருடன் முகமது மிதுன், நஸ்முல் இஸ்லாம், ஆல்ரவுண்டர் அரிபுல் ஹக்யூ ஆகியோரும் அணியில் இடம்பிடித்துள்ளனர். வெஸ்ட் இண்டீஸ் தொடரில் இடம்பெறாத வேகப்பந்து வீச்சாளர் முஷ்டாபிஜூர் ரஹ்மானும் அணியில் இடம்பிடித்துள்ளனர்.

வங்காள தேச அணியில் இடம்பிடித்துள்ள வீரர்கள் விவரம்:-

1. மெஹ்முதுல்லா (கேப்டன்), 2. இம்ருல் கெய்ஸ், 3. லிட்டோன் தாஸ், 4. மொமினுல் ஹக்யூ, 5. நஸ்முல் ஹொசைன், 6. முஷ்டாபிஜூர் ரஹ்மான், 7. முஷ்பிகுர் ரஹிம், 8. அரிபுல் ஹக்யூ. 9. மெஹிது ஹசன், 10. தைஜுல் இஸ்லாம், 11. அபு ஜாயெத், 12. ஷபியூல் இஸ்லாம், 13. முகமது மிதுன், 14. கலித் அஹமது, 15. நஸ்முல் இஸ்லாம்.

முதல் டெஸ்ட் நவம்பர் 3-ந்தேதி தொடங்குகிறது.

வங்காள தேச கிரிக்கெட் அணியின் துருப்புச் சீட்டாக இருப்பவர் சுழற்பந்து வீச்சு ஆல்ரவுண்டர் ஷாகிப் அல் ஹசன். 31 வயதாகும் இவருக்கு இலங்கை தொடரின்போது சுண்டு விரலில் காயம் ஏற்பட்டது. இதற்கு சிகிச்சை மேற்கொண்டார். ஆனால் அறுவை சிகிச்சை செய்யவில்லை. சமீபத்தில் வங்காள தேச அணி வெஸ்ட் இண்டீஸ் சென்று விளையாடியது. அப்போது சுண்டு விரலில் வலி ஏற்பட்டது. இதனால் அவர் அறுவை சிகிச்சை மேற்கொள்ள முடிவு செய்தார்.

ஆனால் ஆசிய கோப்பை கிரிக்கெட் தொடர் நெருங்கியதால் வங்காள தேச கிரிக்கெட் வாரியம் ஷாகிப் அல் ஹசன் விளையாட வேண்டும் என்று விரும்பியது. ஷாகிப் அல் ஹசனும் அணியில் இடம்பிடித்து விளையாடினார். பாகிஸ்தான் போட்டிக்கு முன் வலி அதிகம் ஏற்பட்டதால் தொடரில் இருந்து விலகினார்.

அத்துடன் உடனடியாக சொந்த நாடு திரும்பினார். சொந்த நாடு திரும்பிய வேகத்தில் சுண்டு விரல் காயத்திற்கு அறுவை சிகிச்சை செய்து கொள்ள மருத்துவமனைக்கு சென்றார். ஆனால் காயம் ஏற்பட்ட இடத்தில் இருந்து மணிக்கட்டு வரைக்கும் சீழ் வைத்திருந்ததால் உடனடியாக ஆபரேசன் செய்ய இயலாது என்று டாக்டர்கள் கூறிவிட்டனர்.

உடனடியாக காயத்தில் இருந்து சீழை அகற்றும் பணியில் டாக்டர்கள் ஈடுபட்டனர். தற்போது ஓரளவிற்கு சீழ் அகற்றப்பட்டுள்ளது. ஒருவேளை இரண்டு மூன்று நாட்கள் தாமதமாக வந்திருந்தால் மணிக்கட்டு செயல் இழந்து போயிருக்கும் என்று கூறிய ஷாகிப் அல் ஹசன் காயம் குணமடைய மூன்று மாத காலம் ஆகும் என தெரிவித்துள்ளார்.



இதுகுறித்து ஷாகிப் அல் ஹசன் கூறுகையில் ‘‘நான் மருத்துவமனைக்கு வந்த போது, டாக்டர்கள் என்னிடம் எவ்வளவு சீழ் வெளியேற்ற முடியுமோ, அவ்வளவு சீழை வெளியேற்ற வேண்டும். நான் தாமதம் செய்திருந்தால், மணிக்கட்டு வரை பரவிய நோய்தொற்று மிகவும் மோசமாக நிலையை அடைந்திருக்கும். இன்னும் சில நாட்கள் தாமத்திருந்தால், என்னுடைய மணிக்கட்டு செயல்படாமலேயே போயிருக்கும்.

டாக்டர்கள் என்னுடைய காயத்தில் இருந்து சீழை வெளியே எடுத்த பின்னர், தற்போது பரவாயில்லை. இந்த பிரச்சினை இன்னும் தீரவில்லை. இதனால் காயம் அடைந்த விரலில் அறுவை சிகிச்சை மேற்கொள்ளவில்லை. இன்னும் இரண்டு அல்லது மூன்று வாரங்களில் அறுவை சிகிச்சை நடைபெறும். அதன்பின் 8 வாரங்கள், அதாவது மூன்று மாதங்கள் கிரிக்கெட்டில் இருந்த விலகி இருக்க வேண்டியது இருக்கும்’’ என்றார்.

வங்காள தேச கிரிக்கெட் அணியின் துருப்புச் சீட்டாக இருப்பவர் சுழற்பந்து வீச்சு ஆல்ரவுண்டர் ஷாகிப் அல் ஹசன். 31 வயதாகும் இவருக்கு இலங்கை தொடரின்போது சுண்டு விரலில் காயம் ஏற்பட்டது. இதற்கு சிகிச்சை மேற்கொண்டார். ஆனால் அறுவை சிகிச்சை செய்யவில்லை.

சமீபத்தில் வங்காள தேச அணி வெஸ்ட் இண்டீஸ் சென்று விளையாடியது. அப்போது சுண்டு விரலில் வலி ஏற்பட்டது. இதனால் அவர் அறுவை சிகிச்சை மேற்கொள்ள முடிவு செய்தார்.

ஆனால் ஆசிய கோப்பை கிரிக்கெட் தொடர் நெருங்கியதால் வங்காள தேச கிரிக்கெட் வாரியம் ஷாகிப் அல் ஹசன் விளையாட வேண்டும் என்று விரும்பியது. ஷாகிப் அல் ஹசனும் அணியில் இடம்பிடித்து விளையாடினார். பாகிஸ்தான் போட்டிக்கு முன் வலி அதிகம் ஏற்பட்டதால் தொடரில் இருந்து விலகினார்.



அத்துடன் உடனடியாக சொந்த நாடு திரும்பினார். சொந்த நாடு திரும்பிய வேகத்தில் சுண்டு விரல் காயத்திற்கு அறுவை சிகிச்சை செய்து கொண்டார். அறுவை சிகிச்சை செய்த பின்னர் மருத்துவமனையில் சிகிச்சை மேற்கொண்டு வரும் படத்தை இன்ஸ்டாகிராமில் பதிவிட்டுள்ளார்.

அத்துடன் காயம் குறித்து ஷாகிப் அல் ஹசன் கூறுகையில் ‘‘நான் சொந்த ஊர் திரும்பிய பின்னர், எனது சுண்டு விரல் இவ்வளவு மோசமான நிலையை அடைந்திருக்கும் என்று நான் நினைக்கவில்லை. சுண்டு விரலில் அதிகமான வலியும், வீக்கமும் இருந்தது. சுண்டு விரலில் 60 முதல் 70 சதவீதம் வரை நோய் தொற்று இருந்தது. விரலில் இருந்து சீழ் வெளியே எடுக்கப்பட்டது’’ என்று தெரிவித்துள்ளார்.

ஆசிய கோப்பை தொடரின் ‘சூப்பர் 4’ சுற்றின் கடைசி ஆட்டம் அபு தாபியில் இன்று நடக்கிறது. இதில் பாகிஸ்தான் - வங்காள தேச அணிகள் பலப்பரீட்சை நடத்துகின்றன. இதற்கான டாஸ் சுண்டப்பட்டதில் வங்காள தேச அணி கேப்டன் மோர்தசா டாஸ் வென்று பேட்டிங் தேர்வு செய்துள்ளது.



வங்காள தேச அணியில் ஷாகிப் அல் ஹசன் இடம்பெறவில்லை. சர்கார், ருபெல், மொமினுல் ஹக்யூ ஆகியோர் இடம்பிடித்துள்ளனர்.

வங்காள தேச அணியின் விக்கெட் கீப்பர் பேட்ஸ்மேன் முஷ்பிகுர் ரஹிம். ஆப்கானிஸ்தானுக்கு எதிரான இன்றைய ஆட்டத்தில் 33 ரன்கள் சேர்த்தார். 7 ரன்னைத் தொட்டபோது சர்வதேச கிரிக்கெட் போட்டியில் 190 போடடிகளில் 5 ஆயிரம் ரன்னைத் தொட்டார்.

இதன்மூலம் 5 ஆயிரம் ரன்களை கடந்த 3-வது வங்காள தேச வீரர் என்ற பெருமையை பெற்றுள்ளார். இதற்கு முன் தமிம் இக்பால், ஷாகிப் அல் ஹசன் ஆகியோர் 5 ஆயிரம் ரன்களை கடந்துள்ளார்.



31 வயதாகும் முஷ்பிகுர் ரஹிம் 2005-ம் ஆண்டு டெஸ்ட் போட்டியிலும், 2006-ல் ஒருநாள் போட்டியிலும் அறிமுகமானார். ஒருநாள் போட்டியில் 6 சதம், 29 அரைசதங்களும், டெஸ்ட் போட்டியில் ஐந்து சதம், 29 அரைசதங்களும் அடித்துள்ளார்.